هو انا جبانه؟

لما فلوسي تتسرق و معملش حاجة
لما كرامتي ينداس عليها و أقعد ساكت
لما مستقبلي يتدمر و أبص في الأرض
لما بلدي تتنهب و اقول أنا مالي
لما ديني يتهان و ماتحركش
لماحريتي تتحبس و ما تنفضش
لما تعب سنين يروح هدر و ماتكلمش
لما الأكل و الشرب يتلوث و ماعترضش
لما الظلم و الفساد يبقي في كل مكان و ماقولش كفاية
لما قيمتي في بلدي ماتساويش و أقول و ماله
لما صوت الحق ينداس عليه و يتحبس و ماتكسفش
و صوت الباطل يعلي و يحكم و أغمض عيني
لما اخواتي يتهانوا و ماتقهرش
لما حياتي تضيع من بين ايديا و استسلم
لما أعيش في بلدي خايف و ارضي و أسكت
لما كل البلاد تتقدم و بلدي تتدهور و مازعلش
لما أشوف الشباب-اللي أنا منهم- دماغه فاضيه و ما تحسرش
لما بلدي تضيع و مابكيش
بعد كل ده: هو أنا جبانة؟
توقيع: جبانه حتي اذعان اذعان اخر