حطمت القيود

اقسمت اني لن اعود اليك يوما لن اعود
حطمت بالأمس القيود و ما حننت الي القيود
...............
ان جاء ينفخ في الرماد خبا الأوار و ما تأني
انا ما جننت لكي أعود و لن لعود لكي أجنا

بصالحك بقصيدة

اه يا قصة من مليون فصل
اه يا روحي يا قلبى يا مصر
حاسه بيه ولا نسيتي
ايامي علي ارضك تحت سماكي
طفله بتهتف باسمك في طابور
تسمع قران و تحية علم و تقول شهادة و بعديها علطول تقول
مصر يا ام البلاد..انتي غايتي و المراد
كلام كان طالع من قلبي عمر ما حد فهمهولي
دلوقتي و انا شايفاكي بتتهدي
اظن درويش و اللي زيه لو شافوكي مش هيعرفوكي
....
حاسة بالكلمة لسه بتتردد في دمي
ناسيه ولا فاكرة يا مصر
يوم ما خدت ميم كسرة صاد ساكنه راء ضمة
ايييه يا مصر
يوم ما المستر لحنلي الأغنية و حفظهالي
و قالي اوعي تنسيها يا بنتي دي بلدك
يومها بس عرفت يا مصر انك بجد تتحبي
ركزي شوية و حاولي تفتكري... شكلك كده نسيتي
خلاص يا مصر كرهتك معدش بقيلي فيكي حاجة
لا أزهر ولا شارع ولا حتي ذكري لأغنية
كله بقي فاضي و مالوش معني..عنب و فراخ و زيرو تسعمايه
....
طب منا هنساكي و انتي يعني كنتي ايه
أهرامات ولا ابو الهول و دي هتفرق ليه
ذكرياتي معاكي ما هي راحت..هدورلي علي وطن تاني
يديني علم و دين تاني مدام بتوعك مبقوش بتوعك
انشالله حتي اشتريلي منه شوية ذكريات
....
فين الأزهر..فين الافتا..فين الرأي
فين الطلبه..فين المثقفين..فين الصنايعية
فين فنك..فين كلمتك..فين نهضة مصر حتي فين الحرية
فين
شتيمة و سفالة و حرية الكرباج
اغنية عايزة الحرق و انعدمت الأخلاق
مدونة و مدون لا دي مسموعة ولا ده مفهوم
و اللي بيكتب نسي هو بيكتب ليه
..
أه يا بلدي كرهتك منتيش بلدي
بلدي هي امي هي اختي هي خالتي
هي ابويا..هي اخويا
بلدي هي ابني او بنتي..ربنا يحفظك يا بنتي
أه...متستعجبيش
هاكل من خيرهم و اشرب من نيلهم
خلاص هعيش فيهم اتنفس هواهم
...
بس أه لو مكنوش بيتنفسوا هواكي

سياسه, اسفه عالبعاد

الف حمدالله علي السلامه يا ست اليس, انا شايفه اني رجعت "باك ان ستايلس" بهتم بالسياسه و اقرا جرانين (جمع جرنان), و حدثت واقعه مهمة جدا ما بيني و بين صديقة قديمه من فترة و ما لفتتش نظري للدرجه بسبب حالة التشتت الديني الثقافي اللوزعي اللي انا كنت فيها, هي مزيج من الكلام عن فاروق حسني و حادثة العيد و احداث لبنان و احداث مصر و الثقافه الضايعه و الناس التافهه, و ادت في النهايه الي انقطاع الصله ما بيني و بينها تماما و اقصد تماما ولا كأنها سبتلي الدين مثلا, انا عندي امتحان بكره, اول مرجع هحكي انشاء الله