ده حتي حرام

النهاردة و لأول مرة في حياتي, حصلي موقف غريب أوي, و للأسف ملحقتش أديله حقه كما يجب لأني كنت مستعجلة. دايما لما كنت بغلط كنت جوايا أوي بحس بالغلط, و ده بيمررلي الاستمتاع بالغلط بسبب شئ بلينا به و هو الضمير. و دايما لما كنت بدعي علي حد, كنت بستغفر ربنا من جوة لأنها حاجة كبيرة, و لكن عمري ما أستغفرت ربنا لو دعيت علي "أولي الأمر" في هذا البلد المتبخر, و النهاردة صديق لينا كلنا قال لي لما دعيت علي ولي الأمر: "كده غلط مش ده بني آدم زينا و بعدين أد جدنا و ريسنا" انا بالطبع أعدت أبؤ بكلام انا مقتنعة بيه من زمان و للأسف ده كان السبب الوحيد للبأ و أنا بعتذرله مش لأن كلامي خطأ و لكن لأني مديتش لنفسى فرصة أفكر. و لكن بعد تأمل و نفكير لقيت ان الاجابة واضحه تخرم عينينا, هو المدعي عليه ده مداش أمر بقتل ناس ابرياء لمجرد ايمانهم بقضيه و دفاعهم عنها؟ و لو مقتلهمش فهو عذبهم؟ و هو شئ أشنع من القتل. يبأة الدعاء عليه شويه ولا لأ؟؟؟!؟!؟!؟!؟!